Orok Duke|10 December 2015|4:53am
Dasuki: Grin Grin Grin (phone rings)
Patience Jonathan: Hello, nah who be dat?
Dasuki: Your Excellency Sir, good morning.
Patience Jonathan: No be Oga dey talk, na me dey talk, Dame.
Dasuki: Sorry Ma, good morning Ma. Na Dasuki dey call Ma.
Patience Jonathan: Ehn, Morring. Wetin you want?
Dasuki: Dem don arrest me.
Patience Jonathan: Wetin you do?
Dasuki: Dem say I steal $2.1B money meant for ammunition for our soldiers.
Patience Jonathan: Na true?
Dasuki: em em em, I am…
Patience Jonathan: kip kwayeti, na only you waka come.
Dasuki: No be only me o. Dokpesi dey o.
Patience Jonathan: Shey dat AIT man? Wetin him do again?
Dasuki: Him sef get N2.1B from the money.
Patience Jonathan: God catch am!
Dasuki: Bafarawa sef dey here o
Patient Jonathan: Ah ha, Batagata gini? who be dat? wetin him do?
Dasuki: na our Chief Imam o. na him collect N4.2B to take organise all the imams for nijiria wey pray
for Oga for second term o.
Patience Jonathan: Shey we win? no be fake prayer dem do?
Dasuki: a no know Ma.
Patience Jonathan: Issorait. shey na all of una dem don carry?
Dasuki: no o, na only three of us.
Patience Jonathan: Three of una, Oritsejafor nko?
Dasuki: Dem never arrest am.
Patience Jonathan: Wat of my father-in-law, Edwin Clarke?
Dasuki: Dem never catch am Ma.
Patience Jonathan: Orubebe nko?
Dasuki: E no dey with us but him don face different trial.
Patience Jonathan: uhm, uhm dis man nko? Okpepe
abi wetin dem call am?
Dasuki: Okupe Ma. Him never join us.
Patience Jonathan: E good like dat. Na so una deceive my husband. God don catch una. My husband no dey o. No call this number again o.
(Gbam, phone drop).
Patience Jonathan: (Sitting and thinking), eewo! eewo!!! eewo!!! dis people don kill Nijiria o. Ah, Dia
ris God o. Dia ris God o.
Orok Duke
Is a Poet, Writer, Legal Practitioner & Politician
